DAANG GULONG
pag-akyat nila ng hagdanan
bubuhatin ang bisikleta
ngayon, nagawan ng paraan
daang gulong ay nagawa na
anong galing nilang mag-isip
nang siklista'y di na magbuhat
wastong paraan ay nahagip
taospusong pasasalamat
ah, simpleng engineering iyon
upang buhay ay pagaanin
anong galing na inobasyon
upang lakbay ay pabilisin
sa pag-akyat sa hagdang bato
mga siklista'y di na hirap
may dalang ginhawang totoo
ang daang gulong na pangarap
- gregoriovbituinjr.
11.16.2022
No comments:
Post a Comment