PAALALA
huwag kang lalampas sa guhit
baka mahuli ka't magipit
nagpatintero noong paslit
aral ba nito'y nakaukit?
ang limang daang pisong multa
aba'y anong sakit sa bulsa
anong laro mo nang bata pa
sa patintero'y natuto ba?
kaysarap na laro ng paslit
tatayain mo silang pilit
aba'y huwag ka nang makulit
mahuli'y huwag magagalit
- gregoriovbituinjr.
01.21.2023
No comments:
Post a Comment