PAGLILINIS BAGO UMALIS
bago ako umalis
agad munang naglinis
ginamit ay inimis
nag-mop din at nagwalis
pag dumating si misis
tahanan na'y malinis
alagang mga kuting
na madalas maglambing
ay naglalaro man din
sa sahig at sa sapin
matapos ang gawain
ako'y agad kumain
at binigyan ang kuting
ng isdang ulam ko rin
ako'y umalis na nga
na ramdam ay ginhawa
habang nakatunganga
ang kuting na alaga
- gregoriovbituinjr.
04.27.2023
Walang komento:
Mag-post ng isang Komento