GUTOM NA ANG KUTING
kay-amo ng mukha ng isang kuting
na ngiyaw na ng ngiyaw pagkagising
nagutom sa kaytagal na paghimbing
sa magdamag, tila bunso sa lambing
mamaya'y pakakainin ko sila
ng kung anong sa isda ay natira
di lamang tinik, may laman talaga
lalo't ulo na gustong-gusto nila
pag gutom, di rin ako mapalagay
tulad ng kuting na ngiyaw ng ngiyaw
ako'y patuloy na nakasubaybay
sa kanila, sa gabi't araw-araw
napapansin ko'y aking sinusulat
talambuhay nila'y naiuulat
at binibidyuhan pa silang sukat
bilang patunay ng nadadalumat
- gregoriovbituinjr.
05.08.2023
* ang bidyo ay mapapanood sa kawing na: https://fb.watch/ko6vAeL76p/
Walang komento:
Mag-post ng isang Komento