ULAN
dinig ang nag-uumpugang hangin
habang tikatik ay lumalakas
naglalabanan sa papawirin
sa bawat nilang pagwawasiwas
habang ako'y naroong napatda
at nakatitig lang sa kawalan
hinihintay ang kanyang pagtila
upang makalusong na sa daan
aking diwata'y biglang tumawag
magkita kami sa ganyang pook
agad tumalima, lakad, sagsag
baha na, habang may inaarok
ay, sa mutya'y hindi makahindi
ang ulan naman ay titila rin
siyang tagapagdala ng binhi
na sinasabi'y dapat kong dinggin
- gregoriovbituinjr.
05.24.2023
* mapapanood ang bidyo sa: https://fb.watch/kJTFjcu4dG/
No comments:
Post a Comment