kalugod-lugod ngayong umaga
ang laro sa app na RamboLetra
salita'y huhulaang talaga
ginhawa sa puso'y madarama
nakapagpapatalas ng isip
sa oras minsang nakakainip
may mga salitang mahahagip
o kaya'y di mo naman malirip
sumagot lang basta may panahon
pumarito ka ma't pumaroon
at inaantay ang kinakaon
mong nasa paaralan ngang iyon
mag-download ng RamboLetra sa app
at may galak na mahahagilap
pag nag-iisa'y parang kausap
sa iyo animo'y lumilingap
- gregoriovbituinjr.
09.10.2023
No comments:
Post a Comment