PAGDUNGAW NI MUNING
nabigla ako't akala'y daga
ang naroong dumungaw na sadya
iyon pala'y ang aming alaga
si Muning, ang buntis naming pusa
mga bubuwit ang kanyang hanap
kahit tulog ako't nangangarap
minsan, lumundag ang pusang yakap
at sinagpang ang daga ng iglap
kaytapang ng mga dagang iyan
na nakikita ko sa tahanan
daga pa'y nakikipagtitigan
sa akin hanggang magbulabugan
ang mga daga'y nakakapraning
mabuti't naririyan si Muning
at mag-utol na Lambong at Lambing
at nakakatulog nang mahimbing
- gregoriovbituinjr.
04.27.2024
No comments:
Post a Comment