PAG-UWI
nahihimbing si muning
nang ako ay dumating
habang aking binuklat
ang nabili kong aklat
nagbasa-basa muna
nang may maalaala
kinuha ang kwaderno
agad nagsulat ako
isa munang taludtod
dahil lapis na'y pudpod
natapos ko ang saknong
ngunit kayraming tanong
paano aakdain
ang bawat simulain
na habang nagninilay
asam ko'y magtagumpay
nang alaga'y magising
binigyan ng pagkain
ako'y napatingala
at may bago nang paksa
- gregoriovbituinjr.
06.07.2024
No comments:
Post a Comment