Ang barko sa Fiesta Carnival

ANG BARKO SA FIESTA CARNIVAL

para bagang babagsak ang barko

at dadaganan ang aking ulo

kung mapigtal ba iyon, paano

tiyak ang barko'y masasalo ko

ngunit Spartan ay di natinag

ipinakitang siya'y matatag

ang barko'y di naman bumalibag

nagpatuloy lang sa paglalayag

ang galaw ng barko'y binidyuhan

sabay sa alon ng karagatan

habang doon nakaupo lamang

sa nakitang pagpapahingahan

ang barko'y palaruan ng bata

sa karnibal na puno ng sigla

batang naroong nakatutuwa

na dapat may kasamang matanda

- gregoriovbituinjr.

08.19.2024

* mapapanood ang bidyo sa kawing na: https://fb.watch/u30J-czEHQ/