KAPITKAMAY
kapitkamay tayo, aking mahal
narito man tayo sa ospital
kapitkamay tayo, aking mahal
sana dito'y hindi na magtagal
makakaraos din tayo, sinta
walang iwanan at magkasama
huwag kang mawalan ng pag-asa
alam kong gagaling, gagaling ka
magpatuloy tayong kapitkamay
bagamat ikaw pa'y nakaratay
may solusyon din ang bawat bagay
at may mga kaibigang tunay
huwag mo akong alalahanin
anumang kaya'y aking gagawin
madaling araw ako na'y gising
upang paghandaan ang gagawin
- gregoriovbituinjr.
10.31.2024
No comments:
Post a Comment