TABLETAS
kailangan ng tabletas
na ipainom kay misis
sa noo ko'y mababakas
ang kanyang ipinagtiis
alas-sais ng umaga
tabletas na'y iinumin
pagkatanghali'y meron pa
hapon hanggang takipsilim
tuloy ang pangangalaga
kahit na kulang ang tulog
mahalaga'y may magawa
nang si misis ay lumusog
sana'y bumuti ang lagay
at lumakas siyang tunay
- gregoriovbituinjr.
11.25.2024
No comments:
Post a Comment