ANG PANULAT
pluma ko'y di hihinto
sa panitikang tanto
saknungan ay binuo
mula danas sa mundo
pluma ko'y di titigil
tadtad man ng hilahil
magsalita ma'y garil
o kaya'y nanggigigil
laging magsisiwalat
ng anumang naungkat
upang ang nagsasalat
ay sakaling mamulat
matamis ang salita
maasim ang sikmura
buhay man ay mapakla
patuloy sa pagkatha
- gregoriovbituinjr.
03.01.2025
No comments:
Post a Comment