PANIBAGONG LABAN
tila ako nasa apoy
na nadadarang sa init
ngunit di dahong naluoy
sa suliraning kaylupit
ito'y panibagong laban
nang si misis ko'y gumaling
problemang dapat lagpasan
na sana'y aming kayanin
matagalang laban ito
dapat may lakas ng loob
anuma'y gawing totoo
at pagsikapang marubdob
habang nasa ospital pa
alagaan siyang sukat
planuhin paglabas niya
ito ang nadadalumat
- gregoriovbituinjr.
04.14.2025
No comments:
Post a Comment