PAYO'T PAYONG MULA CHR
namigay sa mga dumalo
ng payong ang CHR dito
sa ulan, agad nagamit ko
buti na lang at di bumagyo
payong, kapatid, tila sabi
ng mga katoto't kakampi
sa isyu ng bata, babae
obrero, maralita, IP
salamat sa payo at payong
nang karapatan ay isulong
salamat, binahagi'y dunong
ang problema ma'y patong-patong
may tatak: "Naglilingkod maging
sino ka man", aba'y kaygaling
sana'y tagos sa diwa natin
at puso ang gayong pagtingin
- gregoriovbituinjr.
07.04.2025
No comments:
Post a Comment