TARANG MAG-TSAA
mabuti sa katawan ang tsaa
sabi ng matatanda sa una
paborito ng mamay at lola
ano pa't pampasigla talaga
ito pa'y mahalagang inumin
upang di ka raw maging sakitin
gamot din daw sa pag-uulyanin
mga kalamnan pa'y ginigising
iniinom ko ito ng sapat
bago kumain at mag-uminat
nag-aalis ng bara sa ugat
iwas sa sobrang timbang o bigat
tarang mag-tsaa, tayo'y uminom
lumbay sa gunita'y maghihilom
- gregoriovbituinjr.
01.13.2024
No comments:
Post a Comment